I+G+B Politiken Sarea (RedIDI) 2010 urtearen amaieran sortu zen, autonomia-erkidegoen eta Estatuko Administrazio Orokorraren (EAO) arteko maila anitzeko koordinazio estrategikoaren funtsezko elementu gisa.
Haren helburu nagusia Espainiako I+G+B sistemako eragileak koordinatzea da, I+G+Bri laguntza publikoa emateko esparruen diseinua, ezarpena eta garapena optimizatzeko. Horrela, Europako funtsetatik eta, bereziki, EGEF Eskualde Garapeneko Europako Funtsetik datozen baliabideak mobilizatzen eta finantzaketa eskuratzen lagunduko da.
Zientzia eta Berrikuntza Ministerioak (Ikerketa Planifikatzeko Zuzendaritza Nagusia) eta Ogasun Ministerioak (Europako Funtsen Zuzendaritza Nagusia) osatzen dute IDI Sarea, eta Espainiako I+G+B politiken ekosistemako eragile garrantzitsuenak biltzen ditu bere egituran, Europa, estatu eta autonomia-erkidegoko mailako ordezkaritzarekin.