Kerketa Zientifikoen Kontseilu Gorena (CSIC)

Kerketa Zientifikoen Kontseilu Gorena (CSIC) ikerketa zientifiko eta teknikoan aritzen den Espainiako erakunde publiko handiena da, eta Europako Ikerketa Esparruko erakunde garrantzitsuenetako bat. Zientzia, Berrikuntza eta Unibertsitate Ministerioari atxikita dago, Ikerketako Idazkaritza Nagusiaren bidez, eta hiru arlo handitan egituratzen da CSIC: gizartea, bizitza eta materia. Arlo horiek giza ezagutzaren zatirik handiena estaltzen dute, eta 120 zentroetako 1.500 ikerketa-talde baino gehiagoren jarduera biltzen dute.

Bere helburuen artean, gaitasun eta lorpen zientifiko eta teknologikoak estatuko eta nazioarteko sektore sozioekonomiko guztietara hurbiltzea nabarmentzen da, gizarte osoarentzako ongizate sozial, ekonomiko eta kultural bihur daitezen. Gainera, bere ekoizpen zientifikoaren nazioarteko dimentsioa bultzatzen du etengabe, nazioarteko ikerketa-erakundeekin harreman estuak izanik.

CSICen xedea ikerketa zientifikoa eta teknologikoa sustatzea, koordinatzea, garatzea eta zabaltzea da, diziplina anitzekoa, ezagutzaren aurrerapenean eta garapen ekonomiko, sozial eta kulturalean laguntzeko, baita langileen prestakuntzan eta erakunde publiko eta pribatuei arlo horiei buruzko aholkularitzan ere.

Honako hauetara bideratutako jarduerak egiteko eskumenak ditu:

  • ezagutza sortzea ikerketa zientifiko eta teknikoaren bidez,
  • ikerketaren emaitzen transferentzia, oinarri teknologikoko enpresak bultzatu eta sortzean arreta berezia jarrita,
  • administrazio publikoei eta erakunde pribatuei aholkularitza aditua ematea,
  • doktoratu aurreko eta ondorengo prestakuntza eta kualifikazio handikoa,
  • gizartean kultura zientifikoa sustatzea,
  • instalazio handien eta azpiegitura zientifiko tekniko berezien kudeaketa,
  • nazioarteko erakundeetan presentzia eta ordezkaritza izatea, eta
  • orientatutako ikerketaren garapena.
icono-contacto.svg

Contacto

Consejo Superior de Investigaciones Científicas (CSIC)

C/ Serrano 117. 28006 Madrid.

915 681 400

sege@csic.es

Hautatu zein errore-mota adierazi nahi duzun

  • Esteketako batek inolako orritara ez daramala detektatu baduzu...

  • URL errore bat aurkitu baduzu esteka batean...

  • Edukian errore bat detektatu baduzu...

  • Edukia ez dela erakusten detektatu baduzu...

  • Informazioa erabilgarria izan ez bazaizu...