Sistema de Información sobre Ciencia, Tecnoloxía e Innovación (SICTI)

O Sistema de Información sobre Ciencia, Tecnoloxía e Innovación (SICTI) forma parte dos instrumentos de goberno do Sistema Español de Ciencia, Tecnoloxía e Innovación (SECTI). 

O SICTI créase na lei 14/2011, do 1 de xuño, da Ciencia, a Tecnoloxía e a Innovación baixo a dependencia do Ministerio de Ciencia e Innovación como instrumento de captación de datos e análise para a elaboración e seguimento da Estratexia Española de Ciencia, Tecnoloxía e Innovación (EECTI), e dos seus plans de desenvolvemento.

Neste apartado preséntanse os principais datos de contexto global do SECTI. Inclúense datos de Gasto en I+D e de Recursos Humanos. Toda a información recollida neste apartado procede da Estatística sobre actividades de I+D do INE e o seu obxectivo é contextualizar a información que se presenta no resto das epígrafes deste apartado dando unha visión xeral do SECTI.

O SICTI proporciona información das actuacións públicas en I+D+I que se levan a cabo dende as diferentes administracións e organismos públicos, tanto da AXE coma das CCAA, intentando responder a preguntas como: Que tipo de actividade de I+D+I se financia? Como se financia? Que orzamento previsto ten asignado cada actuación? Cal é o procedemento de concesión? A quen se dirixen as axudas?

O Plan Estatal de Investigación Científica, Técnica e de Innovación (PEICTI) recolle todas as actuacións no ámbito de I+D+I que se poñen en marcha dende os principais axentes financiadores dependentes do Ministerio de Ciencia e Innovación (AEI, CDTI, ISCIII) así como do resto de departamentos ministeriais e organismos adscritos. Aquí pódese consultar información relevante respecto á distribución territorial das axudas, o tipo de beneficiarios en cada territorio, o número de axudas e o importe global de cada rexión, etc. A fonte de información é o SICTI.