Digitalizazioa da ekonomia modernoen lehentasunetako bat, Europar Batasunarena, oro har, eta Espainiarena bereziki. Komunikazioen funtsezko elementuetako bat horien segurtasuna da, beharrezkoa baita datuen pribatutasuna, jabetza intelektuala eta industriala, eta horniduraren segurtasuna eta jarraitutasuna funtsezko azpiegituretan edo azpiegitura kritikoetan, besteak beste, energia, ura, garraioa edo Internet bera.
Behar horri erantzuteko, Europako Batzordeak European Quantum Communications Infrastructure (Euro-QCI) abiatuko du, zibersegurtasuna gako kuantikoen bidez ziurtatuta.
Jarduera honen bidez, gako kuantikoak banatzeko QKDren (Quantum Key Distribution, ingelesezko siglak) lehen misio kuantikoa diseinatzeko, garatzeko eta eraikitzeko behar diren ahalmen espazialak garatu nahi dira.
Proiektuaren helburua da satelite bidezko karga erabilgarri bat eta hari lotutako lur-segmentu bat garatzea, gako kuantiko osoa banatzeko misio baterako, satelite bidezko komunikazioen azken belaunaldiko azpisistema eta sistemekin osatua. Herrialdeko industria espazialaren parte-hartze handia espero da haren fabrikazioan. QKD misio kuantiko bat ontziratzen duen lehen satelite geoestazionarioa izan nahi du.
Gauzatzea eta emaitzak
2023ko irailaren 21ean argitaratu da I+G zerbitzuak garatzeko merkaturatu aurreko erosketa publikoaren lizitazioa, karga erabilgarri esperimentalen bi prototipo eta haiei lotutako lur-segmentuak gakoen banaketa kuantikorako (QKD sistema – “Quantum Key Distribution”) garatzea ekarriko duten soluzio berritzaileak garatzeko.