Innvierte programaren helburua da oinarri teknologikoko enpresak kapitalizatzea, haiek garatzeko eta, ondoren, sendotzeko. 2016ra arte, arrisku-kapitaleko bideratzaile inbertitzaileetan parte hartuz jardun du, batez ere, programa horrek. 2019tik aurrera, kapitalizazio-mekanismo berri bat ezarri da, baterako inbertsioaren bidez, inbertitzaile pribatuei lagunduz. Prozedura berri hori harrera ona izaten ari da inbertsioen arloan, eta, horri esker, programak Espainiako enpresa asko kapitalizatu ahal izan ditu “new space” esparru berrian.
Innvierte programa eratzen ari den transferentzia-funts berriek kapitalizatzeko eskainiko dituzten aukerak gehitu behar zaizkio inbertsiogile pribatuek eta Innvierte Economía Sostenible SME SIC sozietateak sektore espazialeko enpresetan kapitala handitzeko eragiketetan zuzenean batera inbertitzeko aukerari. Guztira, 2021-2025eko tartean sektore espazialari lotutako enpresetan egindako inbertsio publikoaren bolumena 24 M €-koa izan liteke, eta, guztira, 88 M € inguruko inbertsioa lortuko litzateke.