Ondarreta Diseinu Sari Nazionala 2023. Diseinua eta Enpresa
Espainiako altzari-diseinuaren bikaintasunaren adierazgarri, ikerketa, berrikuntza, ingurumen- eta gizarte-jasangarritasuna eta hurbileko ingurunearekiko elkarrizketa dira gure identitate-zeinuak. Arratibel ahizpak buru dituen familia-enpresa da. Bi emakume berritzaile dira, eta tradizioa-ausardia binomioan oinarrituta eta teknologia eta artisautza ezin hobeto uztartzen dituen ekoizpen-prozesu batean oinarrituta eraiki dute euren arrakasta ukaezina; diseinuaren kontzeptuak harmonia, konexioa eta poza ekarri nahi ditu giza harremanetara, arimadun altzariak lortuz. Gainera, konpainiaren estrategia globalki blaitzen duen “total design” filosofia diseinuak enpresen lehiakortasuna eta balizko krisi ekonomikoen aurrean duten erresilientzia handitzeko duen gaitasunaren adibide bat da. Epaimahaiak mota guztietako sortzaileekin (in house talentutik hasi eta arkitekto handietaraino) eta diseinuaren beste diziplina batzuekin lan egiteko duen gaitasuna nabarmendu du.
