Sancal Diseño SL 2024ko Diseinu eta Enpresa Sari Nazionala
Sancal Diseño SL berrogeita hamar urteko enpresa-ibilbideagatik saritu dute, “produktu zoriontsu” kontzeptu berriak gidatuta, altzari zainduen erreferentzia gisa, dedikazioz, sormenez, arriskuz eta berrikuntzaz sortutako proiektu baten emaitza gisa. Laurogeita hamar herrialde baino gehiagotan presente egotea lortu du, eta Espainian pentsatu, sortu eta egindako diseinuaren bertsiorik onena eskaini dio munduari, non oroimenak, tokiko errotze argiarekin, ilusioa eta edertasuna ere sortzen dituen.
Diseinuaren eta berrikuntzaren baturak merkatu-ikuspegia gainditzen du, eta erakundean ere eragiten du; hala, lehiakortasuna hobetzen duten eta nazioarteko onarpena bultzatzen duten bilduma berriak sortzen dira. Horrez gain, Sancal Diseño diziplina anitzeko hub bat sendotzearen aldeko apustua egin du. Hub horretatik diseinu grafikoko proiektuak, produktu-proiektuak eta barne-diseinuko proiektuak egiten dira arte-zuzendaritza bati esker. Arte-zuzendaritza horrek diseinu-prozesu osoa kontrolatzen du, hasi ideiatik eta kolaboratzaileen hautaketatik, eta ekoizpenera eta ondorengo merkaturatze-estrategiara, zeina diseinuaren zeharkako kudeaketa bikainaren adibide baita.
