CANARIAS teleskopio handia, 10,4 metroko diametroko ispilu nagusia duena, munduko teleskopio optiko infragorri handiena da gaur egun. Roque de los Muchachos Behatokian dago, Garafía udalerrian, Kanarietako La Palma uhartean.
Kanarietako Astrofisika Institutuaren ekimenez garatu da, eta Estatuko Administrazio Orokorraren eta Kanarietako Autonomia Erkidegoaren GRANTECAN enpresa publikoaren jabetzakoa da. Azken hori arduratzen da haren eragiketez eta etorkizuneko garapenaz, eta nazioarteko honako hauen lankidetza ere badu:
- Mexikoko Unibertsitate Nazional Autonomoko Astronomia Institutua,
- Mexikoko Astrofisika, Optika eta Elektronikako Institutu Nazionala, eta
- Floridako Unibertsitatea.
Teleskopioak 36 segmentu hexagonal ditu, eta, bere lerrokadura optiko zehatzari esker, 10,4 metroko diametroa duen ispilu monolitiko baten pareko argi-kolektore-eremua eskaintzen du.
