30 metroko irrati-teleskopioa 2850 metroko altitudean dago, Sierra Nevadako Pico Veletan, Granada hiritik gertu. Erradioastronomia Milimetrikoaren Institutuko (IRAM) bi behatokietako bat da. Frantziako Centre Nationale de la Recherche Scientifique (CNRS), Alemaniako Max-Plank Gessellschaft (MPG) eta Espainiako Garraio, Mugikortasun eta Hiri Agenda Ministerioko Institutu Geografiko Nazionalak (IGN) kudeatzen dute.
Teleskopio hori antena klasiko paraboliko bat da, objektu kosmiko zabalak esploratzeko gai dena, hala nola hurbileko galaxiak eta izarrarteko hodeiak.
3, 2, 1 eta 0.8 mm-ko uhin-luzeretako hargailuak ditu, eta bereizmen handiko 160.000 maiztasun-kanal ere erregistratzen ditu, nebulosa zabalen gas molekularra kartografiatzeko.
Halaber, 2 eta 1 mm-ko uhin-luzeran lan egiten duten kamerez hornituta dago, hautsaren behaketa egiten dutenak hurbileko hodei molekularretan eta galaxietan, ezagutzen den unibertsoko urrunenak (eta gazteenak) barne.
