Estatuko Administrazio Orokorrak, Zientzia, Berrikuntza eta Unibertsitate Ministerioaren (MCIN) eta Energia, Ingurumen eta Teknologia Ikerketen Zentroaren (CIEMAT) bitartez, eta Extremadurako Juntak, Ekonomia, Zientzia eta Agenda Digitaleko Sailaren eta FUNDECYT-PCTEXen bitartez, Energia+G+B Iberiar Biltegiratze Zentroa sortzeko, martxan jartzeko eta ekipatzeko jarduerak hasi dituzte.
Jarduera horiek FUNDECYT-PCTEXek kudeatuko ditu, harik eta Espainiako Erresumak eta Portugalgo Errepublikak Energia Biltegiratzeko Iberiar Ikerketa Zentroaren (CIIAE) estatutuak sortzea eta onartzea ahalbidetuko duten nazioarteko tresnak izenpetzen dituzten arte. Zentro horri dagokio, azkenean, CIIAE osatzen duten elementuak kudeatzea eta ustiatzea.
Bi alderdiek, batera eta dagokion berdintasunezko ekarpenaren bidez, lankidetzan jardungo dute CIIAEren azpiegitura abian jartzeko ezinbestekoak diren elementuen sorrera eta hornidura bultzatzeko.
Zentroaren helburu nagusia izango da energia berdeak kudeatzeko aukera emango duten erronka zientifiko eta teknologikoak konpontzen laguntzea, ikerketa zientifikoaren, garapen teknologikoaren eta energia-biltegiratzearen inguruko berrikuntzen bidez, industriaren eskaerak eta gizarteak energia-etorkizun iraunkorrerako dituen beharrak asetzeko.
Horretarako, Iberiar Penintsulako zentroak hiru arlo nagusi hauetan jardungo du bere helburuak lortzeko:
- Energia biltegiratzeko teknologiak ikertzea eta garatzea eta energia berdeekin integratzea.
- Lankidetza estua industria-sektorearekin eta teknologien garapen bateratua.
- Energia berdeei eta horien kudeaketari buruzko aholkularitza eta prestakuntza.
