Zientzia, Berrikuntza eta Unibertsitate Ministerioak eta hari atxikitako erakunde eta entitateek 17. osagaia diseinatu eta gauzatzeko ardura dute: “Zientzia, teknologia eta berrikuntzako sistema nazionalaren gaitasunen erreforma instituzionala eta sendotzea”.
Osasun-krisiak zientzia eta berrikuntzaren papera nabarmendu egin du, eta berreraikitze-planetan eta etorkizuneko krisiei aurre egiteko erantzun-gaitasunean funtsezko palanka bihurtu ditu. Hori dela eta, osagai honen bidez, erreforma instituzionalari ekingo zaio eta Zientzia, Teknologia eta Berrikuntzarako Estatuko Sistemaren (SECTI) gaitasunak indartuko dira, nazioarteko estandarretara egokitzeko eta haren eraginkortasuna, koordinazioa, gobernantza eta ezagutzaren transferentzia hobetzeko. Helburua da, epe laburrean, herrialdearen berreskuratze-ekonomiko eta -soziala gauzatzea, eta, epe ertainean, SECTI funtsezko tresna izatea erronka handiei aurre egiteko (hala nola trantsizio ekologiko eta bidezkoari, digitalizazioari eta demografia-erronkari), eta I+G+B inbertsioa jasangarritasunez eta eremu estrategikoetan areagotzea eta bizkortzea, 2027an Europako batezbestekora iritsi arte.
17. osagaia, “Zientzia, teknologia eta berrikuntzako sistema nazionalaren gaitasunen erreforma instituzionala eta sendotzea” izenekoa, hazkunde adimentsu, jasangarri eta integratzailearen zutabean sartuta dago, eta horrek barne hartzen ditu ikerketa, garapena eta berrikuntza (2021/24 Erregelamenduaren 3. artikuluko c paragrafoa); Berreskuratze eta Erresilientzia Mekanismoak 3.456.685.000 euro eman ditu, guztira 3 erreforma eta 9 inbertsio egiteko.
