O Ministerio de Ciencia e Innovación e os seus organismos e entidades adscritas son responsables do deseño e execución do compoñente 17 “Reforma institucional e fortalecemento das capacidades do sistema nacional de ciencia, tecnoloxía e innovación”.
A crise sanitaria puxo a ciencia e a innovación nun lugar preeminente como panca esencial nos plans de reconstrución e na capacidade de resposta fronte a futuras crises. Por iso, a través deste Compoñente vaise acometer unha reforma institucional e a fortalecer as capacidades do Sistema Estatal de Ciencia, Tecnoloxía e de Innovación (SECTI) para a súa adecuación aos estándares internacionais e para a mellora da súa eficacia, coordinación, goberno e transferencia do coñecemento. O obxectivo é facer fronte, no curto prazo, á recuperación económica e social do país e, no medio prazo, que o SECTI sexa un instrumento clave para abordar os grandes desafíos como a transición ecolóxica e xusta, a dixitalización e o reto demográfico e que se incremente e acelere o investimento en I+D+I de forma sostible e en áreas estratéxicas ata acadar a media europea en 2027.
O compoñente 17 “reforma institucional e fortalecemento das capacidades do sistema nacional de ciencia, tecnoloxía e innovación” enmárcase no piar de crecemento intelixente, sostible e integrador que inclúa a investigación, o desenvolvemento e a innovación (parágrafo c, artigo 3, Regulamento 2021/24), os recursos asignados do Mecanismos de Recuperación e Resiliencia ascenden a 3.456.685.000 euros para executar un total de 3 reformas e 9 investimentos.
