Hezkuntza Nazioartean Zabaltzeko Espainiako Zerbitzuak (SEPIE) Erasmus+ programak hezkuntzaren eta prestakuntzaren arloan duen eragina kudeatzeko, hedatzeko, sustatzeko eta aztertzeko Agentzia Nazional gisa jarduten du, Europako beste hezkuntza-ekimen eta -programa batzuekin batera. Era berean, Espainiako eta nazioarteko proiektuak koordinatzen eta haietan parte hartzen du, eta, gainera, beste funtzio askoren artean, Espainiako unibertsitate-sistemaren eta haren eskaintzaren nazioarteko proiekzioa handitzen laguntzen du.
SEPIE arduratzen da programen deialdia zabaltzeaz, ekintzen onuradun izan daitezkeenei laguntza teknikoa eta aholkularitza emateaz eta jarraipen egokia egiteaz aurreikusitako ekintzek emaitzak lor ditzaten.
Zabalkunde- eta jarraipen-lanetarako, SEPIEk erakunde-sare zabal baten laguntza du: Autonomia Erkidegoetako Hezkuntza Kontseilaritzak, unibertsitateak, eskualdeko Enplegu Zerbitzu Publikoak, Merkataritza Ganberak, enpresa-erakundeak eta sindikatuak eta prestakuntza-jarduerak garatzen dituzten beste erakunde batzuk.
