Zientzia eta Berrikuntzako Idazkariordetzak, oro har, eginkizun hauek ditu:
- Ministerioaren ordezkaritza arrunta.
- Sailaren eta organismo eta erakunde publiko eta pribatuen arteko harreman instituzionalak, beste organo batzuei esleitutako eskumenei kalterik eragin gabe.
- Ministerioko titularrari eta saileko organo gorenei eta zuzendariei Ministerioaren jarduera planifikatzen eta koordinatzen laguntzea, dagokion aholkularitza teknikoaren bidez.
- Saileko plan orokorrak prestatu eta koordinatzea, honako arlo hauetan: araudia, aurrekontu politika, langileria eta ordainsari politika, ondarea, higiezinak eta azpiegiturak, informazioaren eta komunikazioen teknologiak, programazio ekonomikoa eta aurrekontuaren kontrola.
- Sailaren xedapen orokorrak gertatzeko jarduerak bultzatu, koordinatu, lagundu eta ikuskatzea, bai eta xedapen horiek argitaratzearekin zerikusia duten kudeaketak egitea ere.
- Ministro Kontseiluaren, Gobernuaren batzorde delegatuen eta Estatu Idazkarien eta Estatu Idazkariordeen Batzorde Nagusiaren gaiak izapidetzeari buruzko eginkizunak zuzendu, bultzatu eta kudeatzea.
- Zientzia, Berrikuntza eta Unibertsitateko Ministerioak jurisdikzio-organoekin, Estatuko Administrazio Orokorraren gainerako sailekin, Gobernuaren ordezkariekin eta ordezkariordeekin eta gainerako lurralde-organoekin dituen harremanak bultzatzea eta koordinatzea.
- Sailaren mendeko zerbitzu, organismo eta zentroen gaineko ikuskatze-funtzioa zuzentzea, batez ere langileei, prozedurari, araubide ekonomikoari, instalazioei eta hornikuntzei eta horien eraginkortasun-kontrolari dagokienez; halaber, Ministerioari laguntzea sailaren jarduera kontrolatzeko eginkizunetan, Ministerioko langileen eta zerbitzuen funtzionamendua, eraginkortasuna eta errendimendua ebaluatzea ahalbidetzen duten funtzioak gauzatuz.
- Administrazio-zerbitzuak kudeatzea, zerbitzu horiek arrazionalizatzea eta informatizatzea, administrazio-informazioa eta -dokumentazioa ematea eta saileko beste organo batzuen eskumenekoak ez diren gaiak bideratzea.
- Departamentuak genero-berdintasunaren arloan egiten dituen jarduerak koordinatzea, Ministerioko Berdintasun Unitatearen eginkizunak barne, Emakumeen eta Gizonen Berdintasun Eraginkorrerako martxoaren 22ko 3/2007 Lege Organikoaren 77. artikuluan aurreikusitakoaren arabera eta Estatuko Administrazio Orokorraren Berdintasun Unitateak arautzen dituen apirilaren 12ko 259/2019 Errege Dekretuaren arabera.
- Departamentuak desgaitasuna duten langileak gizarteratzeko egiten dituen jarduerak koordinatzea, desgaitasuna duten Ministerioko langileak gizarteratzeko unitatearen eginkizunak barne, abenduaren 19ko 6/2023 Errege Lege Dekretuaren hamabosgarren xedapen gehigarrian aurreikusitakoaren arabera, zeinaren bidez Suspertze, Transformazio eta Erresilientzia Plana betearazteko presako neurriak onartzen baitira justizia-zerbitzu publikoaren, funtzio publikoaren eta toki-araubidearen arloan.
Eta, bereziki, beren mendeko zuzendaritza-organoei esleitutakoak:
- Idazkaritza Tekniko Nagusia.
- Giza Baliabideen eta Zerbitzuen Ikuskaritzaren Zuzendariordetza Nagusia
- Kudeaketa Ekonomikoko Zuzendariordetza Nagusia.
- Ikerketa, Berrikuntza eta Unibertsitate Eremurako Europako Funtsen Zuzendariordetza Nagusia.
- Aurrekontu Bulegoa.
- Ofizialtza Nagusia.
- Informazio Teknologien Dibisioa.
Hauek daude atxikita Idazkariordetza honi:
- Estatuko Abokatutza Departamentua.
- Estatuko Administrazioko Kontu-hartzailetza Nagusiaren Ordezko Kontu-hartzailetza .
- Espainiako Institutua eta Errege Akademiak (IdeE).
Idazkariordea: Carlos Marco Estellés
