Sekuentziazio-plataforma (CNAG-CRG)
Analisi Genomikorako Zentro Nazionala (CNAG) 2009an sortu zuten Estatuko Administrazio Orokorrak eta Kataluniako Generalitateak, Bartzelonako Parke Zientifikoan kokatzen da.
Analisi genomikoko proiektuak eskala handian gauzatzea da bere egitekoa, pertsonen osasuna eta bizi-kalitatea hobetzen laguntzeko helburuarekin. CNAGk elkarrekin konektatutako lau ikerketa-arlotan zentratzen ditu bere jarduerak: gaixotasunak eragiten dituzten geneen identifikazioa, minbiziaren genomika, gaixotasun infekziosoen genomika eta ereduzko organismoen genomika, unibertsitate, ospitale, ikerketa-erakunde eta sektore bioteknologiko eta farmazeutikoko enpresekin elkarlanean.
CNAGren Genomika plataformak bigarren belaunaldiko hamabi DNA sekuentziadorez osatutako parke bat du (bederatzi HiSeq2000, bi HiSeq2500 eta MiSeq bat), eta eguneko 800 Gigabaso baino gehiago sekuentziatzeko gai dira, hau da, 24 orduko zortzi giza genoma oso. Instalazio informatiko ahaltsu bat ere badu: 2,7 petabyte datuak gordetzeko, 1.200 konputazio-nodo baino gehiago 13 TFlops-eko ahalmenarekin, 10 GByte/s-ko barne-sarea eta 10 GByte/s-ko zuzeneko konexio ugari Superkonputazio Zentro Nazionalera (BSC-CNS).
Proteomika-plataforma (CRG)
Erregulazio Genomikorako Zentroko (CRG) Proteomika Plataforma Bartzelonako Parc de Recerca Biomedicon dago, eta Pompeu Fabra Unibertsitatearen partaidetza du. Masa-espektrometro aurreratuenak ditu, eta proteomika-zerbitzu osoak eskaintzen ditu masa-espektrometrian oinarritutako teknika kuantitatiboen bidez, zeinak Sekuentziazio Plataformak eskaintzen dituen genomika-zerbitzuekin osatzen diren.
