Barcelona Supercomputing Center–Superkonputazioko Zentro Nazionala (BSC-CNS) 2005ean eratu zuten ofizialki Estatuko Administrazio Orokorrak, Kataluniako Generalitateak eta Universitat Politècnica de Catalunya (UPC) unibertsitateak.
Bere espezialitatea prestazio altuko konputazioa da, HPC bezala ere ezagutzen dena, eta bere funtzioa bikoitza da: Espainiako eta Europako zientzialariei azpiegiturak eta zerbitzua eskaintzea superkonputazioan, eta ezagutza eta teknologia sortzea gizarteari transferitzeko.
BSC-CNS Severo Ochoa Bikaintasun Zentroa da, PRACE Europako ikerketa azpiegiturako lehen mailako kidea eta RESaren koordinatzailea. RESari bere bi makina indartsuenak ematen dizkio: Mare- Nostrum eta MinoTauro.
MareNostrum xede orokorreko makina bat da, x86 prozesadoreekin (49.568 korerekin), eta 1,1 Pflop/s-ko kalkulu-ahalmena baino gehiago emateko gai da.
MinoTauro makina heterogeneoa da, eta kalkulu-gaitasun handiena azeleragailu grafikoei (GPUS) esker ematen du, 180 Tflop/s baino gehiago ematen baitizkiote. BSC-CNSk MareNostrumen % 24 (urtean 80 milioi ordu inguru) eta MinoTaurusen % 60 (urtean sei milioi ordu baino gehiago) eskaintzen dizkio RESri.
