Nanoteknologiako Nazioarteko Laborategi Iberiarra (INL) 2009an inauguratu zen Portugalen, eta Espainiak eta Portugalek sortutako I+G+Bko nazioarteko erakundea da. INLren helburua da bi herrialde sustatzaileen eta beste herrialde batzuen arteko bikaintasuneko lankidetza zientifiko eta teknologikorako oinarri gisa jardutea nanozientzien eta nanoteknologien esparruan.
2006an, nazioarteko hitzarmen bat sinatu zuten Espainiak eta Portugalek, Nanoteknologiako Nazioarteko Laborategi Iberiarra eta haren estatutua eratzeko. INLrako aurreikusitako eraikuntza-aurrekontua, hasieran, 106 milioi eurokoa izan zen. INLk FEDER finantzaketa du eraikuntzarako, Espainia-Portugal 2014-2020 Mugaz Gaindiko Lankidetza Programaren bidez (laster 2021-2027 onartuko da), eta ekipamendu zientifikorako, Portugalgo Iparraldeko Eskualdeko Programa Operatiboaren bidez (ON.2).
INLren jardueren helburua da nazioartean bikaintasuna bermatzea bere jarduera-eremuetan. Helburu nagusiak:
- Espainia eta Portugalen artean komunitate zientifiko sendoak sortzea nanozientzien eta nanoteknologien esparruan, Europan, Amerikan eta Asian nazioarteko irismena duten beste laborategi batzuekin lankidetza estuan, arreta berezia jarriz Europako, Latinoamerikako eta Mediterraneoko esparruetan.
- Estatu kideetako ikerketa- eta prestakuntza-erakunde publiko-pribatuen azpiegitura eta gaitasun teknologikoak indartzea.
- Talentua erakartzen eta atxikitzen laguntzea, unibertsitateetan, industrietan eta/edo beste ikerketa-zentro batzuetan prestakuntza emanez eta integratuz.
- Ikerketa-espazio bat sortzea, estatu kideetako industria-sektore estrategikoetan bikaintasuneko ikerketa zientifikoaren balio erantsia indartu eta optimizatzeko jarduera-eskaintzarekin.
- Iberiar penintsulako eta INLrekin lankidetzan diharduten beste herrialde batzuetako zentroetan nanoteknologiaren arloko ikerketa publikorako funts pribatuak lortzeko eskalako ekonomiak sortzen dituzten teknologia transferitzeko ereduak ezartzea.