EBko Esparru Programa

Esparru Programa (EP) I+G+B sustatzeko eta laguntzeko Europar Batasuneko ekimen nagusia da Europar Batasunean, eta helburu nagusia lehiakortasuna hobetzea da, batez ere ikerketa, garapen teknologikoa, erakustaldi- eta berrikuntza-jarduerak finantzatuta, Europar Batasuneko herrialdeetako eta estatu kideetako zein hirugarren herrialdeetako ikerketa-erakundeen eta enpresen arteko nazioz gaindiko lankidetza-araubidean. Gainera, laguntza finantzarioa ematen du Europako ikerketa-azpiegiturak hobetzeko eta koordinatzeko, ikertzaileak sustatzeko eta prestatzeko eta oinarrizko ikerketarako.

2014-2020 aldian Horizonte 2020 (H2020) programa garatu da, EBko EPren zortzigarren edizioa, eta hiru oinarri nagusitan jarri ditu ahaleginak: zientzia bikaina indartzea, lidergo industriala sustatzea eta gure gizartearen erronkei heltzea.

Horizonte Europak (HE) 2021etik aurrera hartuko du H2020ren lekukoa. Bederatzigarren EP horrek (2021-2027) aurrekontu handiagoa eta tresna berriak izango ditu EBren gaitasun zientifikoak eta teknologikoak indartzeko, berrikuntzarako gaitasuna bultzatzeko, lehiakortasuna eta enplegua hobetzeko eta herritarren lehentasunak betetzeko, eta, aldi berean, Europako gizartearen balioak indartzeko. HE hiru zutabetan egituratzen da:

• zientzia irekia,
• erronka globalak eta industria-lehiakortasuna,
• berrikuntza irekia.