Jaime Hayon Bechimol. Diseinu Sari Nazionala 2021. "Profesionalak"
Jaime Hayon sortzaile polifazetikoak oso rol desberdinak izan ditu artearen eta diseinuaren nazioarteko eszenan. Bere sorkuntza-errepertorioa altzari eta objektu esklusiboen diseinutik, hotel eta jatetxeen barne-diseinutik eta artelanen produkziotik doa. 20 urtetik gorako ibilbidean, Hayon mundu mailako diseinatzaile txalotuenetako bat bihurtu da. Hayonen diseinuaren ezaugarriek zerikusi handia dute haren zeharkakotasun kontzeptuarekin. Artisau-prozesuen eta giza faktorearen banderaduna da pieza bakoitzean. Altzariak eta produktuak garatu ditu Fritz Hansen, Magis, BD Barcelona, Viccarbe, Expormin eta Cassina, Parachilna, Wittmann eta &tradition etxeetarako eta zeramikak Portugalgo Vista Alegre, Valentziako Lladró eta Italiako Bosa etxeetarako. Bere sorkuntza artistikoak nazioarteko museo eta galeria ospetsuetan aurkeztu dira, hala nola Holandako Groninger Museoan edo Seuleko Daelim Museoan. Time aldizkariak gure garaiko diseinatzaile eraginkorrenetako bat dela dio.
