Carlos III.a Osasun Institutua (ISCIII) ikerketa biomedikoan eta osasun publikoan erreferentzia den nazioko eta nazioarteko erakundea da, eta honako funtzio hauek betetzen ditu:
Osasuna babesteko eta hobetzeko ikerketa sustatzea, bikaintasuneko eta lehiakortasun handiko ikerketa finantzatuz I+G+Bko Estatuko Planeko Osasuneko Ekintza Estrategikoaren bidez.
Osasun Sistema Nazionalaren (OSN) esparruan ikerketa egituratzea, erreferentzia-zentro nazionalen, ikerketa-institutuen, fundazioen, sareen, partzuergoen eta zerbitzu zientifiko-teknikoen plataformen bidez.
Estatu osoari erreferentziako zerbitzu zientifiko-teknikoak kudeatzen, garatzen eta eskaintzen dizkio, gaixotasun transmitigarriak eta ez-transmitigarriak, ingurumen-osasuna, produktu biologikoak eta osasun publikorako arriskutsuak izan daitezkeenak prebenitzeko eta kontrolatzeko.
Aholkularitza zientifiko-teknikorako zerbitzuak eskaintzen ditu, OSNn teknologia sanitarioetan eta osasun-zerbitzuetan erabakiak hartzea oinarritzeko.
OSNri zuzendutako irakaskuntza-programak garatzen ditu, eta osasun-informazioko eta dokumentazio zientifikoko zerbitzuak ematen ditu.
Zientzia, Berrikuntza eta Unibertsitate Ministerioari atxikita dago, Ikerketarako Idazkaritza Nagusiaren bidez. Funtzioei dagokienez, Osasun Ministerioaren mende dago osasunaren, plangintzaren eta osasun-laguntzaren arloan garatzen dituen jarduerak egiteko, eta, Zientzia, Berrikuntza eta Unibertsitate Ministerioarekin koordinatuta, ikerketa aplikatuko jarduerak egiteko, Osasun Sistema Nazionalera eramaten direnean. Gainerako jarduerak egiteko, Zientzia, Berrikuntza eta Unibertsitate Ministerioaren mende egongo da.
