EECTI 2021-2027ren jarraipena eta ebaluazioa

EECTI 2021-2027k, PEICTIak eta eskualde-estrategiak egiteko erreferentzia-esparru gisa, urteko jarraipena eta ebaluazioa izango ditu, eta bi fasetan egingo da: bitarteko ebaluazioa indarraldiaren erdian eta amaierako ebaluazioa amaitu eta urte eta erdira.

Ministroen Kontseiluak bi mila eta hogeita bateko urriaren hemeretzian egindako bileran lortutako Akordioaren bidez, EECTIren Jarraipen Batzordea sortzea onartu zen. Batzorde horren helburua da EECTIren urteko jarraipena egitea, Espainiak I+G+Bren arloan dituen indarguneak identifikatzea, gobernantza egokia bermatzeko beharrezko neurriak hartzea proposatzea eta Estrategiaren jarraipen- eta ebaluazio-sistema betetzen laguntzea.

Batzorde hori ministerio-sailetako eta horien finantzazio-eragileetako, autonomia-erkidegoetako, sektore publikoko zein pribatuko I+G+Bko eragile betearazleetako eta gizarte zibileko ordezkariek osatzen dute, eta, horrela, helize laukoitzaren ordezkaritza biltzen da.

Bere eginkizunak betetzeko, SICTIren Batzordearen laguntza izango du. Batzorde horrek ebaluazio-metodologia landuko du, Estrategia berrikusteko erabiliko diren adierazle kuantitatiboak eta kualitatiboak zehaztuta, eta Estatuko Planen diseinua Europako Batzordeak Espainiari I+G+Bren esparruan egindako Herrialde Txosteneko gomendio espezifikoak betetzera egokitzea ahalbidetuko dute.