Programa hau medikuntza pertsonalizatuan diagnostiko, pronostiko eta terapia aurreratu edo zuzenduetarako tresnak garatzera bideratuta dago. Zehazki, alderdiek adierazi dute programa garatzeko etorkizuneko lankidetza-eremu gisa identifikatu nahi dituztela honako jarduera-ildo hauek (LA):
- LA-1: Medikuntza pertsonalizatuari aplikatutako kriomikroskopia elektronikoko BREM plataforma.
- LA-2: Doitasunezko medikuntzan datu-baseak inplementatzea eta aztertzea.
- LA-3: Farmakoak bahetzeko eta farmako-dianaren arteko elkarreraginak aztertzeko plataforma. LA-4: Molekula terapeutikoen jarduera bahetzeko eta aztertzeko eredu biologikoak garatzea.
- LA-5: Nanofarmakoak, biobanaketa, toxikotasuna eta ekintza terapeutikoak garatzea patologia-ereduetan.
- LA-6: Terapia aurreratu eta gidatuetarako, formakuntza kirurgikorako eta robotika medikorako teknikak eta prozesuak.
Programa hasiera batean Katalunia, Gaztela-Mantxa, Extremadura, Euskal Autonomia Erkidegoa eta Galiziako autonomia-erkidegoen lanaren bidez jarri zen martxan, Zientzia, Berrikuntza eta Unibertsitate Ministerioarekin esparru-hitzarmen bat harpidetuta. Ondoren, Zientzia, Teknologia eta Berrikuntza Politikako Kontseiluaren 2022ko ekainaren 22ko Akordioaren ondoren, Galizia, Andaluzia eta Aragoiko autonomia-erkidegoak gehitu dira.
