Belén Riveiro Rodríguez. Premio Nacional de Investigación "Matilde Ucelay" na área de enxeñarías e arquitectura

Belén Riveiro Rodríguez foi recoñecida co Premio Nacional de Investigación para Mozas, Matilde Ucelay na área de enxeñarías e arquitectura pola orixinalidade e o impacto das súas investigacións, que radican na combinación de diferentes disciplinas para dar solución a retos actuais da enxeñaría estrutural.

Riveiro é titular na Universidade de Vigo. Dentro do Grupo de Investigación en Geotecnologías Aplicadas, os principais logros na súa carreira investigadora refírense á mellora da resiliencia das infraestruturas do transporte a eventos extremos.