As reformas do compoñente 17 pretenden mellorar a eficacia e a eficiencia do Sistema Español de Ciencia, Tecnoloxía e Innovación, para premiar a excelencia e avaliar os resultados, coas ferramentas adecuadas de seguimento que aproveiten todo o potencial das novas tecnoloxías da información para avaliar as políticas públicas. En definitiva, trátase de mellorar a eficiencia e a rendición de contas.

Os Proxectos Estratéxicos para a Recuperación e a Transformación Económica (PERTE) son proxectos de carácter estratéxico con gran capacidade de arrastre para o crecemento económico, o emprego e a competitividade da economía española, cun alto compoñente de colaboración público-privada e transversais ás diferentes administracións.

Concíbense como un mecanismo de impulso e coordinación de proxectos moi prioritarios, especialmente complexos ou nos que exista un claro fallo de mercado, externalidades importantes ou unha insuficiente iniciativa ou capacidade de investimento por parte do sector privado. O seu obxectivo é contribuír a unha xestión áxil e eficiente dos fondos e reforzar aqueles proxectos que contribúan claramente á transformación da economía española.

Estarán abertos a todo tipo de empresas (tanto grandes como pemes e empresas emerxentes) que operen no tipo de actividades e áreas onde se desenvolvan.