Beatriz Pelaz, Premio Nacional de Investigación para Mozas Felisa Martín Bravo en Ciencias Físicas de Materiais e da Terra

Beatriz Pelaz é investigadora principal do Centro Singular en Química Biolóxica e Materiais Moleculares (CiQUS) e profesora titular da Universidade de Santiago de Compostela, onde codirige o grupo BioNanoTools.

Foi premiada pola excelencia e calidade do seu traballo con marcado recoñecemento internacional e o seu liderado e independencia científica no ámbito dos nanomateriales avanzados con aplicacións terapéuticas.

Na súa investigación destacan o control das propiedades fisicoquímicas dos materiais para determinar o seu comportamento biolóxico e o desenvolvemento dunha nova tecnoloxía para a modificación da superficie de nanopartículas mediante o uso de origamis de ADN.