Biolan Microbiosensores S.L. Premio Nacional de Innovación 2024. Pequeña y Mediana Empresa Innovadora
Biolan Microbiosensores S.L. foi premiada por unha traxectoria empresarial exemplar encarnada nunha aposta inconfundible pola innovación como eixo central da súa estratexia de negocio, o que levou á compañía a competir eficazmente en máis de sesenta países con produtos de alto valor engadido nos ámbitos sanitario e alimentario, entre os que destacan seis modelos de dispositivos de medida e máis de quince parámetros de análises.
Desde a súa creación no ano 2006, a empresa participou en máis de 80 proxectos de I+D+i en convocatorias competitivas a nivel europeo, nacional e autonómico, o que se traduciu nun crecemento constante da súa facturación e beneficios e nun incremento dos seus investimentos en innovación e desenvolvemento tecnolóxico, así como unha excepcional consolidación da súa estratexia de propiedade intelectual e innovación aberta.
