O Inventario de Infraestruturas Tecnolóxicas en España é unha iniciativa impulsada polo Ministerio de Ciencia, Innovación e Universidades co obxectivo de identificar, caracterizar e pór en valor as capacidades tecnolóxicas existentes no país. A información recollida permitirá identificar activos, servizos, especializacións, necesidades de investimento e oportunidades de colaboración que axuden a situar mellor a España ante futuras convocatorias europeas e nacionais.
O inventario permitirá reforzar o posicionamento de España no contexto europeo, contribuíndo á elaboración de futuros mapas de capacidades impulsados pola Comisión Europea e á preparación da participación española nos próximos marcos de financiamento, tanto europeos como nacionais, aliñado coa Estratexia europea de Infraestruturas Tecnolóxicas (research-and-innovation.ec.europa.eu).
A iniciativa está dirixida a todos os axentes que operan infraestruturas tecnolóxicas. Para efectos do cuestionario proposto, considérase infraestrutura tecnolóxica o conxunto de instalacións, equipos, capacidades e recursos necesarios para desenvolver, probar, ampliar, validar e demostrar tecnoloxías antes da súa adopción pola sociedade ou o mercado. Poden incluír, entre outros exemplos, bancos de probas, liñas piloto, instalacións piloto ou de demostración, salas limpas, laboratorios viventes, plataformas de metrología, contornas de validación real, xemelgos dixitais e equipamento avanzado de uso compartido.
A infraestrutura pode estar localizada nunha única sede ou distribuída en varias subsedes, e pode prestar servizos tecnolóxicos, servizos de apoio á comercialización, formación, acceso a datos, validación regulatoria ou actividades de conexión con outros axentes do ecosistema de innovación.
Vai dirixido a todos os axentes que dispoñan de infraestruturas tecnolóxicas, con independencia da súa natureza xurídica: centros tecnolóxicos (incluídos os integrados en FEDIT), organismos públicos de investigación, universidades, hospitais e centros sanitarios, infraestruturas de validación e regulatorias, parques científicos e tecnolóxicos, empresas e outras entidades públicas ou privadas.
A través de este inventario se elaborará un mapa nacional de capacidades que servirá como herramienta clave para:
- Identificar activos e capacidades existentes no ecosistema de innovación.
- Detectar brechas tecnolóxicas e necesidades de investimento en sectores estratéxicos.
- Mellorar a coordinación e visibilidade das infraestruturas a nivel nacional e internacional.
- Facilitar o acceso de empresas, especialmente pemes e startups, a servizos tecnolóxicos avanzados.
- Impulsar a colaboración entre axentes públicos e privados.
