Colexio de España en París

O Colexio de España en París é un organismo que acolle, como fixo ao longo dos seus case oitenta anos de historia, a profesores, investigadores, estudantes universitarios e artistas, que cursan os seus estudos, elaboran as súas teses doutorais, levan a cabo os seus traballos de investigación ou exercen as súas actividades artísticas nalgún dos centros superiores de París. Ademais deste labor de aloxamento, o Colexio desenvolve un intenso labor de difusión da cultura e as artes españolas, a través de conferencias, coloquios, seminarios, proxeccións de películas con recitais e concertos, así como numerosas exposicións dedicadas ás artes plásticas.