O Consello de Estudantes Universitario do Estado (CEUNE) é o órgano de deliberación, consulta e participación das e os estudantes universitarios, ante o Ministerio de Ciencia, Innovación e Universidades. Este Consello establece unha canle directa de representación para todos os estudantes, semellante ao que teñen os reitores e as Comunidades Autónomas a través do Consello de Universidades e da Conferencia Xeral de Política Universitaria, e fortalece o papel central dos estudantes dentro do sistema universitario español. Este órgano de representación dá visibilidade institucional á participación dos estudantes e ofrece un marco crave para debater as políticas de modernización do sistema universitario español
No artigo 1.5 g) do Real Decreto 472/2024, do 7 de maio, polo que se desenvolve a estrutura orgánica básica do Ministerio de Ciencia, Innovación e Universidades, cítase ao CEUNE como órgano adscrito ao Ministerio de Ciencia, Innovación e Universidades, a través da Secretaría Xeral de Universidades, exercendo as funcións atribuídas no artigo 17 da Lei Orgánica 2/2023, do 22 de marzo, do Sistema Universitario. Este artigo define ao CEUNE como o órgano de participación, deliberación e consulta das e os estudantes universitarios ante o Ministerio.
O CEUNE estará presidido pola ministra de Ciencia, Innovación e Universidades e estarán representadas todas as universidades.
Segundo Estatuto do Estudante Universitario, o CEUNE contará con dous vicepresidentes e un secretario.
Este órgano poderase reunir en Pleno e en Comisión Permanente.
