A Plataforma Solar de Almería está situada no municipio de Tabernas, no sueste de España. Pola súa localización recibe unha insolación directa anual superior aos 1900 kWh/m2, o que a converte nun emprazamento privilexiado para a experimentación de sistemas de enerxía solar.
A Axencia Internacional da Enerxía comezou a construción da plataforma en 1979, que pasou en 1986 a pertencer ao Instituto de Enerxías Renovables do CIEMAT.
A Plataforma Solar de Almería dispón de grandes instalacións de ensaio, entre as que destacan:
- os sistemas de receptor central, cunha potencia de ata 5 MW,
- campos de captadores de cilindros parabólicos de ata 2.5 MW,
- un banco de ensaios para captadores de cilindros parabólicos de ata 20 m,
- varios fornos solares (o maior de 60 kW),
- plantas piloto de desalación de ata 3 m3/h,
- plantas piloto para fotoquímica e fotocatálisis de 500 l de capacidade.
