Certificado R3

A Lei 14/2011, do 1 de xuño, da Ciencia, a Tecnoloxía e a Innovación, modificada pola Lei 17/2022, do 5 de setembro, recolle que o persoal investigador poderá obter un certificado R3 como investigador/a establecido/a, que será recoñecido nos procesos selectivos de persoal de novo ingreso estable que sexan convocados polas universidades, polos Organismos Públicos de Investigación e outros organismos de investigación da Administración Xeral do Estado, polos organismos de investigación doutras Administracións Públicas, incluídos os centros do Sistema Nacional de Saúde ou vinculados ou concertados con este e as fundacións e consorcios de investigación biomédica, así como os consorcios públicos e fundacións do sector público.

O certificado R3 terase en conta para os efectos da súa valoración como méritos investigadores nos estes procesos selectivos, e proxectarase sobre as probas ou fases de valoración do currículo do persoal investigador que forme parte destes procesos, de forma que terá efectos de exención ou compensación de parte das probas ou fases de avaliación curricular ou equivalentes, para todas as Administracións Públicas.

O órgano competente para a avaliación dos requisitos de calidade da produción e actividade científico-tecnolóxica establecidos para o certificado R3 como investigador/a establecido/a é a Axencia Estatal de Investigación.

A finalidade desta actuación é valorar a carreira de investigadores/as nacionais e estranxeiros/as no marco dun itinerario postdoutoral de acceso ao Sistema Español de Ciencia Tecnoloxía e Innovación, de maneira que iso permita recoñecer a súa calidade e independencia investigadora e, cumprindo co perfil europeo de investigador establecido (R3), a obtención da certificación R3 como investigador/a establecido/a.