A modificación da Lei 14/2011 da Ciencia, a Tecnoloxía e a Innovación incorpora o concepto de ciencia como ben común e establece como obxectivo xeral o impulso á ciencia aberta e á participación da sociedade civil nos procesos científicos.
Doutra banda, a Estratexia Española de Ciencia, Tecnoloxía e Innovación (EECTI) 2021-2027 ten como principio básico a responsabilidade social e económica da I+D+I a través da incorporación da ciencia cidadá e a aplicación da co-creación e as políticas de acceso aberto, así como, o aliñamento da I+D+I cos valores, necesidades e expectativas sociais.
A EECTI persegue promover o compromiso da sociedade española coa I+D+I, fomentar a divulgación e a cultura científica, a reflexión sobre o papel da ciencia e a tecnoloxía na sociedade actual e alcanzar unha ciencia e innovación abertas e inclusivas.
Doutra banda, a Lei Orgánica 2/2023, do 22 de marzo, do Sistema Universitario, establece o fomento da ciencia cidadá como un campo de xeración de coñecemento compartido entre a cidadanía e o sistema universitario de investigación.
Na actualidade, a FECYT está a traballar nunha Estratexia Nacional de Cultura Científica e da Innovación que se converterá nun marco de referencia para consolidar un ecosistema de comunicación, cultura e participación social coordinado, robusto e confiable.