No artigo III do Tratado Antártico menciónase que “as Partes Contratantes acordan proceder […] ao intercambio de observacións de resultados científicos sobre a Antártida, os cales estarán dispoñibles libremente”. Para dar cumprimento a este requisito, creouse en 1998 o Centro Nacional de Datos Polares, cuxo principal obxectivo é a administración e custodia dos metadatos e datos xerados polos proxectos científicos españois no ámbito polar. Ademais, ten a responsabilidade de alimentar as bases de datos internacionais segundo os estándares do Comité de Datos Antárticos (Standing Committee on Antactic Data Management SC-ADM) do SCAR e o Comité de Datos Árticos (Arctic Data Committee- ADC).
O propósito xeral do SC-ADM e a ADC é promover e facilitar a colaboración internacional cara a un acceso libre, eticamente aberto, sustentable e oportuno aos datos árticos e antárticos a través de sistemas útiles, utilizables e interoperables