O BSC-CNS foi oficialmente constituído en 2005 pola Administración Xeral do Estado, a Generalitat de Catalunya e a Universidade politécnica de Cataluña (UPC). A súa especialidade é a computación de altas prestacións, tamén coñecida como HPC, e a súa función é dobre: ofrecer infraestruturas e servizo en supercomputación aos científicos españois e europeos, e xerar coñecemento e tecnoloxía para transferilos á sociedade.
O BSC-CNS é un Centro de Excelencia Severo Ochoa, membro de primeiro nivel da infraestrutura de investigación europea PRACE e coordinador da Rede Española de Supercomputación (RES). Proporciona á RES as súas dúas máquinas máis potentes: MareNostrum e MinoTauro.
MareNostrum é unha máquina que se compón de 4 particiones, que proporcionan entre todas elas 13,8 Pflops/s de capacidade de cálculo. No ámbito da RES ofrécense as súas dúas particiones máis potentes, a de propósito xeral, con procesadores x86 (con 165.888 cores), capaz de proporcionar máis de 11,15 Pflops/s de capacidade de cálculo, e a de procesadores power9 (2160 cores) con aceleradores GPU de Nvidia V100 (216 GPUS), proporcionando unha capacidade máxima de cálculo de 1,6 Pflops/s.
Á parte tamén se proporciona MinoTauro, que é unha máquina heteroxénea que proporciona a súa máxima capacidade de cálculo grazas ás súas acelerador gráficas (GPUS), que lle proporcionan máis de 251 Tflops/s.
O BSC-CNS ofrece á RES un 40% de MareNostrum x86 máis un 22% de MareNostrum power9+GPUs (en total uns 460 millóns de horas de cómputo anuais) e o 60% de MinoTauro (máis de dous millóns de horas de cómputo anuais).
