O Observatorio Astronómico de Calar Alto, situado a 2168 m de altitude na Serra dos Filabres (Almería), é o observatorio astronómico máis grande de Europa continental e o segundo máis grande do hemisferio norte, despois das instalacións do Roque de los Muchachos.
O observatorio é unha infraestrutura do Centro Astronómico Hispano de Andalucía (CAHA), un organismo xestionado pola Xunta de Andalucía e o Instituto de Astrofísica de Andalucía do CSIC.
O observatorio conta con diversas instalacións como:
- 3 telescopios de 1.23, 2.2 e 3.5 m de apertura, respectivamente,
- detector de raios gamma, e
- sistema de seguimento de bólidos, que patrulla todo o ceo visible desde o observatorio.
Nas instalacións do CAHA atópanse tamén telescopios doutras organizacións:
- un telescopio de 1.5 m de apertura do Observatorio Astronómico Nacional,
- unha cámara Schmidt do Observatorio de Hamburgo (Alemaña),
- un telescopio robótico de 60 cm do Centro de Astrobiología do INTA-CSIC.
