A principal instalación de PLOCAN, a plataforma oceánica, estará situada en mar aberto, a unha milla da costa, no municipio de Telde (noroeste da illa de Gran Canaria) nunha área de 23 km2 reservada para a experimentación científico-técnica.
A Plataforma Oceánica de Canarias é unha infraestrutura xestionada polo Consorcio PLOCAN (cofinanciado a partes iguais pola Administración Xeral do Estado e o Goberno da Comunidade Autónoma de Canarias). O seu obxectivo é permitir a realización de investigación, desenvolvemento tecnolóxico e innovación de vangarda no ámbito mariño e marítimo. A infraestrutura permite o acceso e a utilización eficiente do océano coas maiores garantías ambiental, fornecendo laboratorios científicos, vehículos, bancos de ensaio e, en xeral, medios técnicos e infraestruturas localizados na contorna mariña PLOCAN.
