O Sincrotrón ALBA é un complexo de aceleradores de electróns destinado a producir luz de sincrotrón coa que visualizar a estrutura e propiedades da materia, especialmente a escala nanométrica. Está situado en Cerdanyola del Vallès (Barcelona), no Parc de l’ALBA. É un consorcio público e cofinanciado a partes iguais pola Administración Xeral do Estado e a Generalitat de Catalunya. A súa construción comezou en 2006, inaugurouse en 2010 e entrou en funcionamento con usuarios oficiais a mediados de 2012.
Características principais
ALBA é unha fonte de luz de sincrotrón de terceira xeración equiparable ás últimas construídas en Europa. O complexo de aceleradores está composto por un acelerador lineal, que se utiliza para acelerar os electróns ata 100 MeV, un sincrotrón propulsor, onde os electróns son acelerados ata 3 GeV, e un anel de almacenamento onde se xera a luz de sincrotrón e emítese ás diferentes estacións experimentais.
Cada ano o Sincrotrón ALBA xera unhas 6.000 horas de luz e dá servizo a máis de 2.000 investigadores, tanto da comunidade académica como do sector industrial. ALBA dispón actualmente de oito liñas de luz operativas que se destinan principalmente a biociencias, magnetismo e ciencia dos materiais. Na actualidade hai catro liñas máis en fase de deseño ou construción que entrarán en operación a partir de 2020.
Algúns datos e cifras
A continuación se muestra un diagrama de los campos de aplicación de las líneas de luz del Sincrotrón ALBA:
