Este programa oriéntase ao despregamento dunha estratexia conxunta de investigación e innovación para abordar de forma sustentable os novos desafíos na monitorización e observación mariño-marítimas, o cambio climático, a acuicultura e outros sectores da economía azul. En particular, as partes manifestan a súa vontade de identificar, no seu caso, como ámbitos de colaboración futura para o desenvolvemento do Programa, as seguintes liñas de actuación (LA):
- LA-1: Observación e monitorización do medio mariño e litoral.
- LA-2: Acuicultura sustentable, intelixente e de precisión.
- LA-3: Economía Azul: Innovación e oportunidades.
O programa púxose en marcha inicialmente Comunidades Autónomas de Galicia, Andalucía, Cantabria, Rexión de Murcia e Comunitat Valenciana, mediante a subscrición dun convenio marco co Ministerio de Ciencia, Innovación e Universidades.
Posteriormente, tras o Acordo do Consello de Política Científica, Tecnolóxica e de Innovación do 22 de xuño de 2022, incorporáronse as Comunidades Autónomas de Canarias e Illes Balears.
