Cada ano elabórase un programa de actuación, no que se integran todas as axudas previstas polos diferentes axentes de I+D+i, no ámbito da Administración Xeral do Estado, para alcanzar os obxectivos definidos no Plan Estatal de Investigación Científica e Técnica e de Innovación (PEICTI) vixente.
O Programa de Actuación Anual (PAA) é a ferramenta de planificación operativa, que reflicte os recursos orzamentarios e o calendario previsto para cada unha das actuacións que se convocarán durante ese ano, constituíndo unha guía para facilitar a participación dos diferentes actores implicados.
