María José Alonso Fernández. Premio Nacional de Investigación "Juan da Cierva". Transferencia de Tecnoloxía

Nesta modalidade recibiu o premio María José Alonso, catedrática do Departamento de Farmacia e Tecnoloxía Farmacéutica da Universidade de Santiago de Compostela e xefa do grupo Nanobiofar do Centro Singular de Investigación en Medicamento Molecular e Enfermidades Crónicas (CiMUS). Con esta distinción recoñécese a excelencia da súa traxectoria científica no ámbito da nanomedicina, así como a súa importante contribución para a adecuada e equilibrada transferencia de tecnoloxía e coñecemento.