José Cernicharo, Premio Nacional de Investigación en Ciencias Físicas, de Materiais e da Terra

José Cernicharo Quintanilla foi recoñecido co Premio Nacional de Investigación na área de Ciencias Físicas, dos Materiais e da Terra polo seu liderado a nivel mundial no campo da astrofísica molecular e as súas achegas multidisciplinares que están a ter un gran impacto en varios ámbitos das ciencias físicas, químicas e de materiais.

José Cernicharo é profesor de investigación no Instituto de Física Fundamental do Consello Superior de Investigacións Científicas (IFF-CSIC), e un dos pioneiros mundiais da astrofísica molecular. Foi investigador principal de varios proxectos nacionais e europeos centrados na astrofísica de laboratorio e a astrofísica molecular.