O Real Decreto 475/2014, do 13 de xuño, sobre bonificacións na cotización á Seguridade Social do persoal investigador, no seu artigo 6 establece a definición de peme innovadora para efectos de obter o selo de referencia.
A Orde ECC/1087/2015, do 5 de xuño, regula a obtención do selo de "Peme innovadora" e o funcionamento do Rexistro da Pequena e Mediana Empresa Innovadora.
Vantaxes da obtención do selo “Peme innovadora"
A obtención do selo permite ás empresas compatibilizar, no marco dun mesmo proxecto, as bonificacións na cotización á seguridade social do persoal investigador dedicado en exclusiva ao mesmo coas deducións fiscais por I+D+i establecidas no artigo 35 da Lei do Imposto sobre Sociedades.
Además, pueden beneficiarse de las posibles líneas de ayudas que expresamente mencionen la condición de “Pyme innovadora”, y pueden participar en la contratación pública a través de la denominada Compra Pública Innovadora (posibilidad de reserva de contratación precomercial a pymes innovadoras).
O rexistro da empresa comporta a obtención do selo e permite que a empresa exhiba o logo e formato oficial do selo de maneira que os usuarios saiban que esa peme é innovadora e está recoñecida como tal. Ademais, a empresa poderá utilizar este distintivo para o tráfico comercial e fins publicitarios.
Procedemento de inscrición no rexistro
O rexistro público de pemes innovadoras é totalmente telemático. A inscrición realízase a través da sede electrónica do Ministerio sen custo para as empresas.
Rexistro público do selo “Peme innovadora"
O rexistro de pemes Innovadoras é público e permítese consulta individual (mediante o CIF da entidade) ou descarga de todas as entidades rexistradas.
A seguir, picando en “Ligazóns”, poderá acceder á alta, consulta e descarga do selo peme innovadora.
