O Ministerio de Ciencia e Innovación promoveu a declaración de World Design Capital Valencia 2022 (WDC Valencia 2022) como Acontecemento de Excepcional Interese Público, sendo declarada como tal na Lei 11/2020, do 30 de decembro, de Orzamentos Xerais do Estado para o ano 2021. O programa de beneficios fiscais abarca desde o 1 de xaneiro de 2021 ata o 31 de agosto de 2023.
O órgano interadministrativo encargado da execución do programa de apoio á celebración do acontecemento de excepcional interese público «València, Capital Mundial do Deseño 2022 / València World Design Capital 2022» en reunión constitutiva do 22 de decembro de 2021 aprobou os obxectivos e plans nos que se englobarán todas as actividades. A celebración de WDC Valencia 2022 materialízase nun programa transversal de actividades, co obxectivo de divulgar o deseño e a innovación como ferramenta para a mellora da vida, as relacións humanas coa contorna, a comunicación e o produto empresarial.
O programa de WDC Valencia 2022 inclúe máis dun centenar de eventos —entre intervencións, congresos e encontros profesionais, publicacións e producións propias e exposicións— que abarcarán todas as disciplinas do deseño ao redor de seis eixos estratéxicos:
- saúde e benestar
- didáctica do deseño
- economía e innovación
- legado e identidade
- sustentabilidade ambiental
- equidade, inclusión e diversidade
WDC Valencia 2022 terá un beneficio directo sobre a poboación nacional en termos de sustentabilidade, educación, cultura e mobilidade e contribuirá ao desenvolvemento social e económico.
