A infraestrutura de investigación está orientada a aplicacións médicas e ofrece un servizo completo e de fácil acceso, a través dun portelo único, que inclúe o deseño, a produción de biomoléculas, biomateriales, nanomateriales e os seus conxugados, e a caracterización destes materiais, de tecidos, dispositivos médicos e sistemas, desde un punto de vista físico, químico, funcional, toxicolóxico e biolóxico ata a súa validación preclínica in vivo.

Está situada en Cáceres no CCMIJU, centro público de investigación, cuxa misión estratéxica se centra en contribuír ao aumento do coñecemento e uso das tecnoloxías relacionadas coa biomedicina e a cirurxía minimamente invasiva, así como outras disciplinas anexas, no ámbito socio sanitario, mediante a realización de actividades de investigación, diseminación, innovación e transferencia tecnolóxica en colaboración con outros axentes a escala internacional.

O CCMIJU participa con sete unidades distribuídas entre as distintas plataformas de NANBIOSIS; entre as instalacións máis singulares está o animalario de máis de 2.000 m2 e a unidade de quirófano que conta con dez quirófanos experimentais dotados dun equipamento de vangarda, que proporciona servizos de primeiro nivel en investigación traslacional e metodolóxica.