O CSUC é un consorcio público que ao longo de 22 anos prestou servizos relacionados con infraestruturas TIC, coa vontade de compartir servizos académicos, científicos, bibliotecarios, de transferencia de coñecemento e de xestión, para conseguir mellorar a eficacia e a eficiencia potenciando as sinerxias e as economías de escala.
Dez universidades catalás e a Generalitat de Catalunya forman parte do CSUC. Fundado orixinalmente como Centro de Supercomputación de Cataluña en 1991 para a prestación de servizos de cálculo, hoxe día proporciona servizos a ao redor de 200 institucións (universidades, centros de investigación, hospitais, centros tecnolóxicos, parques científicos...), con numerosos proxectos de investigación en áreas como a física, a química teórica, a modelización biomolecular, as ciencias da Terra, os métodos numéricos en enxeñaría…etc.
O CSUC ofrece tres supercomputadores con diferentes arquitecturas e numeroso software especializado para satisfacer as necesidades dos seus usuarios, a quen non só facilita acceso aos supercomputadores, senón que ademais proporciona soporte técnico e científico altamente especializado a través dun servizo integral de supercomputación.
Disponse de dous clústers de cálculo e un equipo de memoria compartida, un SGI Altix UV1000 (1.344 cores, 112 TB de disco, 6 TB de memoria) que permiten realizar simulacións con alta demanda de memoria.
CSUC achega un 20% da súa capacidade de cómputo á RES.
