Empresa Común Europea de Computación de Alto Rendemento (Euro-HPC)

A Empresa Común Europea de Computación de Alto Rendemento (EuroHPC Joint Undertaking) é unha iniciativa conxunta da UE, países europeos e socios privados cuxa misión é desenvolver en Europa o maior ecosistema de supercomputación de alto rendemento a nivel mundial.

EuroHPC é desde 2018 unha entidade legal con capacidade de financiamento. Sitúase en Luxemburgo. Permite á UE e aos 32 países participantes coordinar os seus esforzos e axuntar recursos co obxectivo de despregar en Europa supercomputadores exaescala capaces de realizar máis dun trillón (1018) de operacións por segundo e desenvolver tecnoloxías e aplicacións innovadoras. EuroHPC busca proporcionar solucións informáticas, mellorando a cooperación na investigación científica avanzada, impulsando a competitividade industrial e asegurando a autonomía tecnolóxica e dixital europea.

A infraestrutura paneuropea terá en 2021 tres supercomputadores pre-exaescala (1017 operacións/s), situados en España (no Centro Nacional de Supercomputación BSC-CNS), Italia e Finlandia, e cinco supercomputadores petaescala (1015 operacións/s) que se localizarán en Bulgaria, Eslovenia, Luxemburgo, Portugal e República Checa. A comunidade científica e industrial europea pode acceder aos recursos ofertados participando nas convocatorias competitivas de EuroHPC.

Seleccione o tipo de erro que desexa reportar

  • Se detectou que unha das ligazóns non leva a ningunha páxina...

  • Se detectou un erro de URL nunha ligazón...

  • Se detectou un erro no contido...

  • Se detectou que o contido non se mostra...

  • Se a información non lle foi de utilidade...