O obxecto da declaración de equivalencia da nota media de expedientes académicos universitarios de estudos realizados en centros estranxeiros é facilitar a emisión dun documento de equivalencia das notas medias de estudos estranxeiros aos correspondentes españois para que poida ser presentado nos procedementos de concorrencia competitiva nos que a nota media sexa un requisito, mérito ou elemento de valoración. (Substitúe ao anterior xestionado por ANECA).
Trátase dun procedemento gratuíto onde cada usuario xera a súa propia declaración a través dun conversor de notas que permite obter a nota media das titulacións universitarias estranxeiras. Por tanto, este procedemento non é válido para estudos universitarios realizados en institucións españolas.
