<p>Creación ou reco&ntilde;ecemento dunha universidade</p>

A aprobación do Real Decreto 905/2025, do 7 de outubro, polo que se modifica o Real Decreto 640/2021, do 27 de xullo, de creación, recoñecemento e autorización de universidades e centros universitarios, e acreditación institucional de centros universitarios, e outras normas conexas de igual rango, reforza os requisitos que se deben esixir para a creación dunha nova universidade pública ou o recoñecemento dunha universidade privada. O obxectivo da esta norma é garantir a calidade global do sistema universitario español, e con iso que todas as universidades desempeñan con calidade e excelencia as funcións que teñen encomendadas pola sociedade. Coa vontade de asegurar a homoxeneidade nos criterios básicos e mecanismos de avaliación das diferentes axencias de calidade que poden participar nese procedemento, garantindo así tanto o rigor académico e a transparencia na análise da calidade global do proxecto universitario presentado, como a igualdade de oportunidades de todas as entidades promotoras indistintamente do territorio no que presenten este proxecto, en virtude do anterior, a Conferencia Xeral de Política Universitaria, a través da súa Comisión Delegada, en sesión celebrada o 23 de marzo de 2026, aprobou o documento de bases xerais do procedemento e dos criterios de avaliación das memorias para a creación ou recoñecemento dunha universidade.