PERTE Aeroespaziala

Sektore aeroespazialaren Suspertze eta Transformazio Ekonomikorako Proiektu Estrategikoaren (PERTE) helburu nagusia da Espainiako industria aeroespaziala, sektore estrategiko gisa, funtsezko eragile bihurtzea sektorean nazio-mailan eta nazioartean aurreikusitako eraldaketa handiei lotutako erronka eta aukera berrien aurrean. Bere jardueren bidez, sektoreari lagunduko dio bere gaitasunak indartzen eta datozen urteetako erronkei aurre egiteko irtenbideak bilatzen, bai eta COVID-19aren krisiak eragindako kalte ekonomikoak gainditzen ere, lankidetza publiko-pribatua ezinbesteko oinarri hartuta.

PERTE Aeroespaziala hiru zutabetan egituratzen da: Aeronautikoa, Espaziala eta Zeharkakoa, eta bakoitzean hainbat jarduera egiten dira.

Aeronautikaren arloan, PERTE horrek I+G+B jarduerak antolatzen ditu, balio-kate osoan arrastatze-efektua sor dezaten, COVID-19aren pandemiak sortutako krisiak teknologia aeronautikoak garatzen dituzten enpresen gaitasun berritzaileetan duen eragina murrizteko, eta aireko trafiko digitalaren, jasangarriaren eta ziberseguruaren kudeaketan parte hartzeko.

Zutabe Aeronautikoak bost jarduketa biltzen ditu.

Zutabe aeronautikoa eta espaziala zeharkako elementu gaitzaileetan oinarritzen dira, eta horiek PERTE Aeroespazialaren helburu globala lortzen laguntzen dute. Zeharkako zutabearen helburuak hauek dira: berrikuntza sartzea lantegietan, trebakuntza- eta prestakuntza-ekintzak, berrikuntza-ekosistemaren kohesioa eta funts publiko-pribatuen aktibazioa sustatzea. Ekintza horiek guztiak sektore aeroespazialera bideratuta daude.

Zeharkako zutabeak zazpi jarduketa ditu.