Este Programa, denominado “Exploración, análise e prospectiva da biodiversidade: Posibles respostas á estratexia 2030 de desenvolvemento sustentable nun escenario de cambio global”, ten por obxectivo o desenvolvemento de solucións que estean centradas na natureza, e que teñan en conta como inciden nela as actividades antrópicas, para deter a crise de Biodiversidade á vez que permitan a mitigación e adaptación dos sistemas naturais ao cambio climático. En particular, as partes manifestan a súa vontade de identificar, no seu caso, como ámbitos de colaboración futura para o desenvolvemento do programa, as seguintes liñas de actuación (LA):
- LA-1: Plataformas para a observación da biodiversidade con tecnoloxías aeronáuticas e aeroespaciais.
- LA-2: Monitorización e seguimento da biodiversidade.
- LA-3: Inventario dos servizos ecosistémicos.
- LA-4: Avaliación e mitigación do impacto do cambio global sobre a biodiversidade.
- LA-5: e-Infraestrutura integrada de observación da biodiversidade.
- LA-6: Rede de centros para o estudo e xestión da biodiversidade.
O programa púxose en marcha inicialmente coas Comunidades Autónomas de Galicia, Andalucía, Principado de Asturias, Canarias, Estremadura e Illes Balears, mediante a subscrición dun convenio marco co Ministerio de Ciencia e Innovación.
Posteriormente, tras o Acordo do Consello de Política Científica, Tecnolóxica e de Innovación do 22 de xuño de 2022, incorporouse a Comunidade Autónoma de País Vasco.
